ខ្សែភាពយន្តគំនូរជីវចល កំប្លែង ឆ្នាំ២០១០
ប្រភេទឯកសារ ៖ អឹមខេវី ១បំណែក
រ៉ាផាន់សុល
ជាព្រះនាងដែលត្រូវបានយាយចាស់ម្នាក់ចាប់ពង្រត់តាំងពីជាទារកពីព្រះមហាក្សត្រមួយអង្គ
។ នាងជាមនុស្សដែលមានសក់ទិព្វ អាចជប់មនុស្សអោយមានសំរស់ក្មេងជានិច្ច
ឬព្យាបាលរបួស និងរោគាអោយសះស្បើយបាន
ដែលជាហេតុនាំអោយស្រ្តីជាម្តាយចិញ្ចឹមនោះឃាំងនាងទុកលើវិមានមួយក្នុងទីកណ្តាលព្រៃ
។ ស្លេនរ៉ាយដ័រ (យូជីន) ជាចោរដែលបានលួចម្កុដពីរាជវាំងជាមួយនឹងចោរ២នាក់ទៀត
បានរត់ទៅពួននៅវិមានរបស់រ៉ាផាន់សុល ។ អ្នកទាំង២បានព្រមព្រៀងគ្នាថា
រ៉ាផាន់សុលនឹងសងម្កុដដែលលាក់ទុកអោយស្លេនវិញ
ប្រសិនបើស្លេនបានជូននាងទៅមើលពិធីបង្ហោះគោមនៅរាជវាំង ។
ដោយខ្លាចបាត់បង់កូនចិញ្ចឹមរបស់ខ្លួន ម្តាយចិញ្ចឹមរបស់រ៉ាផាន់សុល
បានរួមគ្នាជាមួយចោរ២នាក់ដែលធ្វើការជាមួយស្លេន ប្រើកលឧបាយនាំយកនាងមកវិញ
។ ក្រោយពីត្រលប់ពីពិធីនោះ រ៉ាផាន់សុលបានភ្ញាក់ខ្លួនដឹងថាខ្លួនជាព្រះនាង
ប៉ុន្តែត្រូវម្តាយចិញ្ចឹមបង្ឃាំងនាងទុក ហើយបានធ្វើឃាតស្លេនពេលគេមកជួយរំដោះនាង
។ រ៉ាផាន់សុលបានសន្យាថានឹងនាំជាមួយម្តាយចិញ្ចឹមនាងរហូត ជាថ្នូរនឹងការសង្គ្រោះជីវិតស្លេន
ប៉ុន្តែស្លេនបានកាត់សក់នាងចោល ដែលធ្វើអោយគេនិងម្តាយចិញ្ចឹមរបស់រ៉ាផាន់សុលស្លាប់ជាមួយគ្នា
។ ជាចុងបញ្ចប់ ស្លេនបានរស់ឡើងវិញដោយទឹកភ្នែករបស់រ៉ាផាន់សុល
ហើយក៏ត្រលប់ទៅកាន់រាជវាំងវិញដើម្បីរស់នៅជាមួយមាតាបិតាវិញ ។