ជង្រុក: ជំនួយ

១. វិធីទាញយកឯកសារ

ក. ជាទូទៅ តំណភ្ជាប់សំរាប់ទាញយកគឺត្រូវបានដាក់នៅពីពីមុខពាក្យទាញយក នៅលើពាក្យថា “ចុចត្រង់នេះ” ឬ “ផ្នែកទី១” ឬ “វគ្គ១” ដែលអ្នកអាចឈានទៅដល់ការទាញយក ដោយគ្រាន់តែចុចលើពាក្យទាំងនោះ ។

ខ. បន្ទាប់មក អ្នកអាចឃើញមានផ្ទាំងទំព័រមួយដែលមានលក្ខណៈប្រហាក់ប្រហែលទៅនឹងផ្ទាំងដូចខាងក្រោម ៖

   គ. សូមរង់ចាំបន្តិច (ប្រហែល ៥វិនាទី) នោះគ្រាប់ចុច “រំលងការផ្សព្វផ្សាយ” នឹងលេចឡើងនៅផ្នែកខាងលើចំហៀងខាងស្តាំ ដូចបង្ហាញក្នុងរូបខាងលើ ។ បន្ទាប់ពីអ្នកចុចលើគ្រាប់ចុចនេះ អ្នកនឹងឈានទៅដល់ការទាញយក ។
   ឃ. ប្រសិនបើតំណភ្ជាប់សំរាប់ទាញយករបស់ជាតំណផ្ទាល់ នោះបន្ទាប់បន្តិចពីចុចលើគ្រាប់ចុចខាងលើ ការទាញយកនឹងចាប់ផ្តើមភ្លាម (ប្រសិនបើអ្នកបានជួបទំព័រដែលបង្ហាញថា អ្នកផ្តល់សេវាកម្មមានបញ្ហា សូមសាកល្បងម្តងទៀតនៅថ្ងៃស្អែក ហើយប្រសិនបើនៅតែមិនអាចទាញយកបានដដែល សូមបញ្ជាប់ប្រាប់ជង្រុកតាមរយៈការបញ្ចេញមតិ ដើម្បីស្វែងរកតំណថ្មី ។
   ង. ប្រសិនបើតំណភ្ជាប់សំរាប់ទាញយកជាតំណបន្ត (មីដៀហ្វាយ័រ ...) នោះវានឹងលេចចេញនូវផ្ទាំងទាញយកនៅគេហទំព័រមួយទៀត ដែលជាចុងបញ្ចប់ អ្នកគ្រាន់តែចុចលើគ្រាប់ចុចទាញយក និងរកទីតាំងទុកបំណែកនោះ ជាការស្រេច ។ ប្រសិនបើទំព័រថ្មីនេះបង្ហាញកំហុសឆ្គង ដែលបណ្តាលអោយអ្នកមិនអាចទាញយកឯកសារបាន សូមប្រាប់ជង្រុកតាមការបញ្ចេញមតិ នោះជង្រុកនឹងរកវិធីដើម្បីអោយការទាញយកលោកក្រោយទទួលបានដូចបំណង ។

២. វិធីបញ្ចូលឯកសារផ្នែក ជាឯកសារមូលតែ១

វាមានវិធីច្រើនយ៉ាងក្នុងការបញ្ចូលគ្នាជាឯកសារតែមួយ ប៉ុន្តែខាងក្រោមនេះជាវិធីសាស្រ្តដ៏ងាយស្រួលមួយ ៖

ក. ចូលទៅទាញយកដោយឥតគិតថ្លៃនូវកម្មវិធី ៧រូត នៅគេហទំព័ររបស់វា (សូមចុចត្រង់នេះ) រួចតំឡើងវានៅក្នុងប្រព័ន្ធប្រតិបត្តិការរបស់អ្នក ។

ខ. ត្រូវច្បាស់ថា បណ្តុំឯកសារផ្នែកស្ថិតក្នុងថតដាក់ឯកសារតែមួយ ។

គ. ចុចកណ្តុលស្តាំលើឯកសារផ្នែកទី១ ហើយនៅក្នុងជំរើស ៧រូត សូមរើសយក ពន្លាតឯកសារត្រង់នេះ ។

ឃ. ប្រសិនបើវាមិនទាមទារពាក្យសម្ងាត់ ឬអ្នកបានបញ្ចូលវាត្រឹមត្រូវហើយ ឯកសារផ្នែកទាំងនោះនឹងរួមចូលគ្នា ហើយបង្កើតជាឯកសារតែ១ ក្នុងថតឯកសារជាមួយគ្នានេះ ។

៣. កម្មវិធីជំនួយ

ក. កម្មវិធីបើកមើលឯកសារអាន

ឯកសារភីឌីអែហ្វ ៖ អាដូបី រីឌ័រ (ឥតគិតថ្លៃ ៖ ចុចត្រង់នេះ)

ឯកសារឌីចេវីយូ ៖ ឌីចេវីយូ វ្យូវ័រ (ឥតគិតថ្លៃ ៖ ចុចត្រង់នេះ)

ខ. កម្មវិធីបើកមើលឯកសារផ្សេងៗទៀត

ឯកសារអាយអែសអូ ៖ កម្មវិធីអុលត្រាអាយអែសអូ (កម្មសិទ្ធិ) ឬកម្មវិធី ៧រូត (ឥតគិតថ្លៃ ៖ ចុចត្រង់នេះ)

ឯកសារអាយអែសហ្ស៊ី ៖ កម្មវិធីអុលត្រាអាយអែសអូ (កម្មសិទ្ធិ)

ឯកសាររ៉ា ឬហ្ស៊ីប ៖ ៧រូត (ឥតគិតថ្លៃ ៖ ចុចត្រង់នេះ)

ឯកសារភាពយន្ត ឬទស្សនីយភាពនានា ៖ កម្មវិធីអែមភីស៊ីស្តារ៍ (ឥតគិតថ្លៃ ៖ ចុចត្រង់នេះ) ឬកម្មវិធីវីអែលស៊ី (ឥតគិតថ្លៃ ៖ ចុចត្រង់នេះ)